ՏԵՍԱՆՅՈՒԹ․ Ալեն Սիմոնյանի պաշտոնանկության հարցը ՔՊ-ում քննարկվու՞մ է. Խանդանյանը մանրամասնում է
Ո՛չ «Քաղաքացիական պայմանագիր» կուսակցությունում, ո՛չ խմբակցությունում Ալեն Սիմոնյանի պաշտոնանկության հարց չի քննարկվում: Այս մասին լրագրողների հետ զրույցում ասաց «Քաղաքացիական պայմանագիր» խմբակցության պատագամավոր Սարգիս Խանդանյանը:
Նա հերքեց նաև այն լուրերը, թե Սիմոնյանի փոխարեն ԱԺ նախագահ կարող է դառնալ Հայկ Կոնջորյանը.
«Նման հարցեր չկան օրակարգում և չեմ կարծում, որ դրանց անհրաժեշտությունը կա»:
Հիշեցնենք, որ քաղաքացի Կարեն Մկրտչյանը ֆեյսբուքյան էջում հայտնել էր, որ Ազգային ժողովի նախագահ Ալեն Սիմոնյանը հրահանգել է իր թիկնազորի աշխատակիցներին բռնել նրան եւ թքել է վրան այն բանից հետո, երբ Կարենը Ալեն Սիմոնյանին դավաճան է անվանել։ Ալեն Սիմոնյանն ավելի ուշ ֆեյսբուքյան գրառմամբ չէր հերքել կատարվածը։
