Քաղաքականություն

Փորձել են ադրբեջանցիներին համոզել՝ փոքր-ինչ նահանջել Տեղ համայնքից, բայց ապարդյուն․ «Հրապարակ»

Փորձել են ադրբեջանցիներին համոզել՝ փոքր-ինչ նահանջել Տեղ համայնքից, բայց ապարդյուն․ «Հրապարակ»
Տեղ համայնքի ողջ սահմանային հատվածում ռուսական խաղաղապահ զորակազմի ներկայացուցիչների մասնակցությամբ բանակցություններ են ընթացել հայ-ադրբեջանական կողմերի ներկայացուցիչների միջև, սակայն արդյունք չեն…

Տեղ համայնքի ողջ սահմանային հատվածում ռուսական խաղաղապահ զորակազմի ներկայացուցիչների մասնակցությամբ բանակցություններ են ընթացել հայ-ադրբեջանական կողմերի ներկայացուցիչների միջև, սակայն արդյունք չեն տվել: Այս մասին հայտնել է «Հրապարակ»-ը՝ վկայակոչելով սեփական աղբյուրներին: 

 

«Ըստ մեր աղբյուրի՝ Սյունիքում է եղել նաեւ ԱԱԾ տնօրեն Արմեն Աբազյանը։ Փորձել են ադրբեջանցիներին համոզել՝ փոքր-ինչ նահանջել նախորդ օրը գրաված դիրքերից՝ առնվազն մինչեւ Բարեկամության արձանի հատվածը, որի շուրջը, ըստ տեղեկությունների, նախնական պայմանավորվածություններ են եղել։ Սակայն բանակցություններն անպտուղ են եղել, եւ ադրբեջանական զինուժը շարունակում է խրամատավորվել Տեղ համայնքից մի քանի մետր հեռավորության վրա գտնվող այգիներում»,- գրել է թերթը: 

 

Ըստ թերթի հայտնած տեղեկությունների՝ երեկ՝ մարտի 31-ին, անգամ ձեռնամարտ է եղել հայ և ադրբեջանցի զինծառայողների միջև, չնայած 2020 թվականից հետո Տեղ համայնքի տարածքում հայ դիրքապահներ չեն տեղակայվել, եւ ընդամենը մեկ կամ երկու ռուսական խաղաղապահների հենակետ է այստեղ եղել։ 

 

«Այդուհանդերձ, նախօրեից ՊՆ-ն ուշացած քայլեր է ձեռնարկել՝ տասնյակ զինվորներ է տեղակայել այդ հատվածում»,- հայտնել է թերթը։

 

Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (8024) Միջազգային (3535) ԱՄՆ (2369) Ռուսաստան (2250) Իրան (1786) Ընտրություններ (1284) Ուկրաինա (911) Երևան (821) Իսրայել (766) Ադրբեջան (677) Փաշինյան (582) Եվրոպա (529) Ազգային ժողով (486) Ընդդիմություն (480) Թրամփ (453)

Radio Aurora

Լսել Radio Aurora

Գովազդային տարածք

300x250