ԱԺ արտաքին հարաբերությունների հանձնաժողովի նիստում շ«Հայաստան» խմբակցության պատգամավոր Ասպրամ Կրպեյանը հայտարարեց՝ մարտի 22-ին ԱԺ-ում կառավարության հետ կայացած  հարցուպատասխանի ժամանակ ԱԳ նախարարի պաշտոնն օկուպացնող պաշտոնյան հայտարարեց՝ այս օրերին, երբ մենք ականատես ենք լինում այդպիսի սուր հռետորաբանության ու սպառնալիքների, պետք է փաստենք, որ նոր ագրեսիայի վտանգ եւ Հայաստանի, եւ ԼՂ-ի դեմ կա. ընդ որում ԼՂ-ի դեպքում կա էթնիկ զտումների եւ ցեղասպանության վտանգ: 

«Նույն օրը ՀՀ-ում իշխանությունն օկուպացրած հանցախմբի պարագլումը գրառմամբ հայտարարեց՝ նոր էսկալացիա չի լինելու: Հիմա հարցս՝ ո՞ր մեկդ է ստում: Ժողովուրդը հստակ պատասխան է սպասում»,-ասաց նա:

Ի պատասխան ԱԳ նախարար Արարատ Միրզոյանն ասաց. 

«Ես ՀՀ ԱԳ նախարարի պաշտոնը չեմ օկուպացնում, զբաղեցնում եմ: Ձեր քաղաքական ուժի մոտ երեւի քաղաքական ընկալման հարց կա: Ես շատ լավ հիշում եմ, որ այն տարիներին, երբ դուք իշխանության մաս էիք, ձեր ԱԳ նախարարը փորձում էր ասել, որ օկուպացնել կարելի է անգամ զուգարանը, այդպես էլ Արցախի շուրջ տարածքներն էին օկուպացված-զբաղեցված: Իմ հետ խոսելիս խնդրում եմ՝ այդ տերմիններին ուշադիր եղեք: Այսքանը»:

Մանրամասները՝ տեսանյութում։