Ալեն Սիմոնյանի գլխավորած պատվիրակությունը կմեկնի Բեռլին
ԱԺ նախագահ Ալեն Սիմոնյանի գլխավորած պատվիրակությունը մարտի 27-30-ին աշխատանքային այցով մեկնում է Բեռլին:
ԱԺ նախագահի ստորագրած կարգադրության մեջ նշվում է, որ Ալեն Սիմոնյանի գլխավորած պատվիրակության կազմում են ընդգրկված է 14 մարդ:
Պատվիրակության կազմում ընդգրկված են Ազգային ժողովի եվրոպական ինտեգրման հարցերի մշտական հանձնաժողովի նախագահ Արման Եղոյանը, Ազգային ժողովի մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը, ԱԺ պատգամավորներ Թադևոս Ավետիսյանը, Զարուհի Բաթոյանը, Հռիփսիմե Հունանյանը և ԱԺ աշխատակազմի 8 ներկայացուցիչ։
Հիշեցնենք՝ Գերմանիա մեկնելու մասին Սիմոնյանն ասել էր ԳԴՀ Բունդեսթագի Գերմանիա-Հարավային Կովկաս բարեկամական խմբի փոխնախագահ Տաբեա Ռյոսների գլխավորած պատվիրակության հետ հանդիպմանը։
