Ֆչանսիայում հերթական բախումներն են սկսվել կենսաթոշակային աղմկահարույց բարեփոխումների դեմ պայքարող ցուցարարների և ուժայինների միջև։

Ոստիկանությունը, արցունքաբեր գազից և մահակներից բացի, սկսել է կոպտորեն բերման ենթարկել ցուցարարներին։ Լիոնում մի շարք ձերբակալություններ են տեղի ունեցել կենսաթոշակային բարեփոխումների ընդունման դեմ հինգերորդ ակցիայից հետո։

Նշենք, որ Ֆրանսիայում կառավարությանն անվստահություն հայտնելու ընդդիմության բանաձեւերից ոչ մեկը բավարար ձայներ չի հավաքել՝ այսպիսով ճանապարհ բացելով Մակրոնի կառավարության բարեփոխումների իրականացման համար։ 

Առաջին առաջարկը ստացել է 278 ձայն, ընդամենը ինը ձայն պակաս, քան ընդունման համար անհրաժեշտ 287 ձայնը:

Մինչ այդ Փարիզի Վոբանի հրապարակում ավելի վաղ հավաքվել էին կենսաթոշակային բարեփոխումների դեմ ցուցարարներ։ Այդ ժամանակ Ֆրանսիայի խորհրդարանը քննարկում էր կառավարությանն անվստահություն հայտնելու առաջարկները։