Որտեղ են նախընտրում անշարժ գույքի ներդրումներ անել ռուսաստանցիները. ցանկը գլխավորում է Թուրքիան
Ռուսաստանցիների կողմից արտասահմանյան անշարժ գույքի ներդրումներ կատարելու ամենապահանջված երկրների վարկանիշը գլխավորել են Թուրքիան, Արաբական Միացյալ Էմիրությունները և Վրաստանը։ Այս մասին գրում է МК-ն:
Լրատվամիջոցի փոխանցմամբ` նման տվյալներ է ներկայացնում Tranio-ն (անշարժ գույքի միջազգային բրոքեր):
Անշարժ գույքի ոլորտում ռուսաստանցիների ներդրումների 24%-ը հաստատվել է Թուրքիայում, 10%-ը՝ Արաբական Միացյալ Էմիրություններում, Վրաստանում՝ 9%-ը, Իսպանիայում և Հունաստանում՝ 8%-ը։
Տասնյակում են հայտնվել նաև Կիպրոսը, Թաիլանդը, Չեռնոգորիան, Ֆրանսիան, Ինդոնեզիան։ Նշվում է, որ 2022 թվականի 11 ամիսների ընթացքում արտասահմանյան անշարժ գույքի նկատմամբ ռուսաստանցիների պահանջարկն 89%-ով ավելի շատ է աճել, քան ԱՊՀ այլ երկրների մեծ մասում։
