Պրիշտինան ուժեղացնում է ռազմական ներկայությունը Կոսովոյի հյուսիսում. Սերբիայում ՌԴ դեսպան
Պրիշտինան ուժեղացնում է իր ռազմական ներկայությունը Կոսովոյի հյուսիսում։ Այս մասին հայտարարել է Բելգրադում ՌԴ դեսպան Ալեքսանդր Բոցան-Խարչենկոն։ Այս մասին գրում է Life-ը:
«Պրիշտինան մեթոդաբար և համառորեն զարգացնում է իր ռազմական ներկայությունը Կոսովոյի հյուսիսում: Իրավիճակն այնտեղ շատ վտանգավոր մակարդակի վրա է: Սերբ բնակչությանը ահաբեկելու և ճնշելու արշավը շարունակվում է: Նպատակը տարածաշրջանի հյուսիսը գրավելն է»,- նշվում է դիվանագիտական առաքելության թելեգրամյան ալիքում։
Բոցան-Խարչենկոն ընդգծել է, որ այդ ամենը տեղի է ունենում արեւմտյան երկրների թողտվությամբ ու աջակցությամբ։ Նրա կարծիքով, այդ պետությունների ներկայացուցիչների հայտարարությունները, թե իրենք չեն կարողանում ազդել Պրիշտինայի վրա, չեն կարող ճիշտ համարվել։ Դեսպանը վստահ է, որ ամեն ինչ միտումնավոր տանում է հակամարտության սրման:
Մինչդեռ, ինչպես նշել է նա, Կոսովոյում էսկալացիան շարունակվում է Արևմտյան Բալկանների վերաբերյալ հանդիպումների և տարածաշրջանում կայունության կարևորության մասին խոսակցությունների ֆոնին, սակայն ոչինչ չի արվում իրավիճակը կարգավորելու համար, ընդգծել է Բոցան-Խարչենկոն։
Արևմտյան երկրներին ճգնաժամն անհրաժեշտ է Սերբիայի վրա ճնշում գործադրելու համար, հավելել է դիվանագիտական առաքելության ղեկավարը։
