Թուրքիան շուտով կավարտի գազային հանգույցի ճանապարհային քարտեզի մշակումը. թուրք նախարար

Թուրքիան շուտով կավարտի իր տարածքում գազային հանգույց ստեղծելու ճանապարհային քարտեզի մշակումը:  Այս մասին, Energy Today-ի փոխանցմամբ ասել է Էներգետիկայի նախարար Ֆաթիհ Դոնմեզը՝ ելույթ ունենալով երկրի խորհրդարանում։

Նրա խոսքով՝ հանգույցը նախատեսվում է տեղակայել Թրակիայում։

Հիշեցնենք, որ ավելի վաղ Թուրքիայի էներգետիկայի և բնական պաշարների նախարար Ֆաթիհ Դոնմեզը հայտարարել էր, որ Ադրբեջանը և մի շարք այլ երկրներ աջակցություն են հայտնել երկրում Ռուսաստանի առաջարկած «գազային հանգույցի» նախագծին։

Թուրքիայի նախագահի ներկայացուցիչ Իբրահիմ Քալընն ավելի վաղ հայտարարել էր, որ իր երկիրը կարող է դառնալ ոչ միայն գազի տարանցման երկիր, այլև այն երկիրը, որտեղ շուկան ձևավորվում է։ Ռուսաստանի և Թուրքիայի նախագահներ Վլադիմիր Պուտինը և Թայիփ Էրդողանը ավելի վաղ հանձնարարել էին մանրամասն և արագ մշակել Թուրքիայում գազային հանգույց ստեղծելու հարցը, մասնավորապես, որով Ռուսաստանը կարող է գազի տարանցումը Հյուսիսային հոսքից դեպի Սևծովյան տարածաշրջան և Թուրքիա տեղափոխել։ Էրդողանը նաև կարծում է, որ Եվրոպան կարող է ռուսական գազ ստանալ Թուրքիայի տարածքով։