Սիրիայի քրդական ուժերը դիմել են Ռուսաստանին իրենց տարածքները պաշտպանելու համար
«Սիրիայի դեմոկրատական ուժեր» քրդական դաշինքը խնդրել է Ռուսաստանին օգնել բանակցել Դամասկոսի պաշտոնական իշխանությունների հետ՝ պետության հյուսիս-արևելքում գտնվող, կազմավորման կողմից վերահսկվող տարածքը պաշտպանելու համար։ Այս մասին Al-Hadas հեռուստաալիքին հայտնել է դաշիկքի ներկայացուցիչ Արամ Խանը։ Նրա խոսքերը մեջբերում է ՏԱՍՍ-ը։
«Մենք խնդրել ենք Ռուսաստանի ներկայացուցիչներին համաձայնեցնել գործողությունները Դամասկոսի պաշտոնական իշխանությունների հետ՝ մեր տարածքը պաշտպանելու համար», - ասել է նա։
Արամ Խանան հավելել է, որ Միացյալ Նահանգները հաստատել է, որ մերժում է Անկարայի ռազմական գործողությունը Սիրիայի հյուսիս-արևելքում, սակայն լուրջ քայլեր չի ձեռնարկել հակամարտությունը կարգավորելու համար։
Ավելի վաղ հայտնի էր դարձել, որ Թուրքիան Սիրիայի դեմոկրատական ուժերի քրդական կազմավորումներից պահանջել է հեռանալ սիրիական Հալեպ նահանգի երեք քաղաքներից։
Խոսքը Մանբիջից, Այն ալ Արաբից և Թել Ռիֆաթից ուժերի դուրսբերման մասին է։
