Շուշիի շրջանում ադրբեջանական կողմի կրակոցների հետևանքով վիրավորներ կան. ՌԴ ՊՆ
ՌԴ խաղաղապահները Լեռնային Ղարաբաղում հրադադարի խախտման դեպք են արձանագրել, նշված է ԼՂ հակամարտության գոտում ռուսական խաղաղապահ զորախմբի գործունեության մասին ՌԴ ՊՆ պաշտոնական տեղեկագրում։
«Շուշիի շրջանում ադրբեջանական կողմը հրաձգային զինատեսակներից կրակել է ԼՂ զինված կազմավորումների դիրքի ուղղությամբ, ինչի հետևանքով երկու անձ վիրավորում է ստացել»,- նշված է տեղեկագրում։
Հաղորդվում է նաև, որ ռուսական խաղաղապահ զորակազմի հրամանատարությունը ադրբեջանական կողմի հետ միջադեպի հետաքննություն է իրականացնում։
