![Բրիտանացի ուսուցիչները սկսել են տաքսու վարորդ և բարմեն աշխատել ճգնաժամի պատճառով. ԶԼՄ](https://auroranews.am/storage/img/base_image/old/17deb24f907d955acaad40c39a581be3.webp)
Բրիտանացի ուսուցիչները սկսել են տաքսու վարորդ և բարմեն աշխատել ճգնաժամի պատճառով. ԶԼՄ
![Բրիտանացի ուսուցիչները սկսել են տաքսու վարորդ և բարմեն աշխատել ճգնաժամի պատճառով. ԶԼՄ](https://auroranews.am/storage/img/base_image/old/17deb24f907d955acaad40c39a581be3.webp)
Բրիտանական դպրոցներում յուրաքանչյուր տասներորդ ուսուցիչը ստիպված է երկրորդ կամ նույնիսկ երրորդ աշխատանքի անցնել՝ երկրում տնտեսական ճգնաժամի ֆոնին իր ընտանիքը կերակրելու համար։ Այս մասին կիրակի հայտնել է The Observer շաբաթաթերթը՝ վկայակոչելով ուսուցիչների արհմիության ուսումնասիրությունը։
Նշվում է, որ ուսուցիչներն ազատ ժամանակ սկսում են հավելյալ գումար վաստակել որպես տաքսու վարորդ և բարմեն, ինչպես նաև ավելի հաճախ մասնավոր դասեր տալ։ Բացի այդ, աճող թվով ուսուցիչներ օգտվում են ուսումնական հաստատությունների տարածքում բացված սննդի բանկերի ծառայություններից, որոնք ի սկզբանե ստեղծվել են աղքատ ընտանիքների ուսանողներին օգնելու համար։
Նշվում է, որ երկրում ուսուցիչների աշխատավարձերի 5-8%-ով բարձրացումը նրանց առանձնապես չի օգնի՝ տարեկան կտրվածքով 11%-ը գերազանցող գնաճի հարցում։
Ավելի վաղ Լոնդոնում գործող Տնտեսական և բիզնես հետազոտությունների կենտրոնը նախազգուշացրել էր, որ Մեծ Բրիտանիային սպառնում է 1950-ականներից ի վեր եվրոպական էներգետիկ ճգնաժամի հետևանքով կենսամակարդակի ամենամեծ անկումըն:
Մեծ Բրիտանիայում գնաճը տարեկան կտրվածքով հոկտեմբերին արագացել է մինչև 11,1%, ինչը ամենաբարձր ցուցանիշն է 1981 թվականից ի վեր, ըստ Մեծ Բրիտանիայի Ազգային վիճակագրության գրասենյակի: Որպես թանկացման հիմնական գործոն նշվել է էլեկտրաէներգիայի սակագնի բարձրացումը։