Դեկտեմբեր‎ի 09 Երևան 6°C

$ 395.53 | € 393.43 | ₽ 6.42

Երևան 6°C | $ 395.53 | € 393.43 | ₽ 6.42

Կրիմսկում տղամարդը հրաձգություն է սկսել ամուսնալուծության պատճառով. մանրամասներ

Կրասնոդարի երկրամասի Կրիմսկի փողոցում այսօր հրաձգություն է տեղի ունեցել, որի պատճառը կրակողի` Վլադիմիր Ժիրովի և նրա կնոջ՝ Գալինայի ամուսնալուծության գործընթացն է։ Այս մասին գրում է KP-Kuban-ի թղթակիցը՝ հղում անելով սեփական աղբյուրներին։ Նշվում է, որ այս պահին սա դեպքի հիմնական վարկածն է։

 

«Քաղաքում չկար ոչ մի դատավոր, ով չառնչվեր իր հետ այս հարցով», - KP-Kuban-ին բացատրել է իրավիճակին ծանոթ աղբյուրը։
 

Ըստ Կրիմսկի շրջանային դատարանի գործերի կաբինետի՝ առավոտյան ժամը 10-ին նրա դատավարությունը որդու՝ Յուրիի և նախկին կնոջ՝ Գալինայի հետ ավարտվել էր։ Հայցվորը Վլադիմիրն էր։  Նա պահանջել է իրեն վերադարձնել որդու գնած բնակարանի կեսը, ինչպես ինքն էր կարծում, իր գումարով։  Ըստ դատարանի՝ կրակողի հայցը մերժվել է։

 

«Բնակարանի վերաբերյալ հայցերը ներկայացվել են որդու դեմ, սակայն դատավորը հայցը բավարարելու հիմքեր չի տեսել», - ասել են KP-Kuban-ին Կրասնոդարի երկրամասի դատարանների միասնական մամուլի ծառայությունում։

 

Նշվում է, որ ամուսնալուծության գործընթացը ձգձգվում է 2017 թվականից։  Կրակողը հայցերով «լցրել» է տեղի դատարանները, սակայն նրա հայցը ոչ մեկը չի բավարարել։

 

Հետաքննությունը պարզում է դեպքի հանգամանքները, նաև այն, թե որտեղից է հարձակվողը ձեռք բերել հրազենը։