Բայդենը ամբողջական բուժզննում կանցնի
Միացյալ Նահանգների նախագահ Ջո Բայդենը հայտարարել է, որ մտադիր է մինչև 2022 թվականի վերջը կանոնավոր բուժզննում անցնել, գրում է РИА Новости-ն։
Ամերիկացի առաջնորդը լրագրողների հարցերին ի պատասխան ասել է, որ բուժզննման մի մասն արդեն ավարտվել է, ամբողջական արդյունքները նա կստանա մինչև տարեվերջ։
«Ի՞նչ եք կարծում, դա ինձ պե՞տք է»,- պետության ղեկավարը կատակով հարցրել է մամուլին։
Նոյեմբերի 20-ին ԱՄՆ 46-րդ նախագահ Ջո Բայդենը նշեց իր ծննդյան 80-ամյակը։ Ավելի վաղ Սպիտակ տան մամուլի քարտուղար Կարին Ժան Պիեռը հայտնել էր, որ նախագահի բուժզննման արդյունքները կհրապարակվեն։ Նա հավելել է, որ Բայդենը առողջական խնդիրներ չունի։
