Արցախում վթարի են ենթարկվել Թուրքիայի նախկին վարչապետն ու մի պատգամավոր
Թուրքիայի նախկին վարչապետ Բինալի Յըլդըրըմը վթարի է ենթարկվել Արցախի՝ Ադրբեջանի կողմից օկուպացված տարածքում, Twitter-ում հայտնել է Թուրքիայի առողջապահության նախարար Ֆախրեդդին Քոջան։
Մեքենան, որում եղել են Բինալի Յըլդըրըմը, նրա թիկնապահն ու պատգամավոր Շամիլ Էյրիմը, վթարի է ենթարկվել Զանգիլանի (Կովսական) օդանավակայանի ճանապարհին։ Երեքն էլ ուղղաթիռով տեղափոխվել են Բաքու։
Երեքի առողջական վիճակը գնահատվում է բավարար։ Նշվում է, որ ժամեր անց դուրս կգրվեն հիվանդանոցից:
