Դատավոր Արուսյակ Ալեքսանյանին մեղադրանք է առաջադրվել

Դատավոր Արուսյակ Ալեքսանյանին մեղադրանք է առաջադրվել ակնհայտ անարդար դատական ակտ կայացնելու և պաշտոնեական լիազորություններն անցնելու հոդվածներով. լրագրողների հետ ճեպազրույցում հայտարարել է նրա պաշտպան Երեմ Սարգսյանը: Փաստաբանը հավելել է, որ դատավորն իրեն առաջադրված մեղադրանքը չի ընդունում։

Պաշտպանի խոսքով դատավորի նկատմամբ տևական ժամանակ օպերատիվ հետախուզական միջոցառումներ են իրականացվել։ Նա ասել է, որ բողոքարկելու են օպերատիվ հետախուզական միջոցառումներ անցկացնելու թույլտվությունը։