Իտալիան իր քաղաքացիներին խորհուրդ է տվել լքել Ուկրաինան
Կիևում Իտալիայի դեսպանատունը նախազգուշացրել է իր քաղաքացիներին Ուկրաինա մեկնելու վտանգների մասին և խորհուրդ է տվել լքել երկիրը։ Այս մասին դիվանագիտական առաքելությունը Twitter-ում հայտնել է երկուշաբթի՝ հոկտեմբերի 17-ին։
«Դեռևս երկրում գտնվող հայրենակիցներին խստորեն խորհուրդ է տրվում լքել երկիրը, Ուկրաինա մեկնելը կտրականապես չի խրախուսվում:
Այս հանձնարարականը վերաբերում է մասնավորապես Ուկրաինայի արևելյան և հարավային հատվածներին՝ կապված այդ տարածքներում ռազմական գործողությունների սրման հետ։ Ամեն դեպքում խորհուրդ է տրվում «ծայրահեղ զգուշություն»։
