Ուկրաինայի ՊՆ հետախուզության վարչությունը հայտնել է, թե որքան կվճարի նրան, ով Իգոր Գիրկինին կփոխանցի իրենց

Ուկրաինայի պաշտպանության նախարարության հետախուզության գլխավոր վարչությունը միացել է «Գերի վերցրու Գիրկինին և ստացիր պարգև» նախաձեռնությանը։ Այս մասին գրում է «Украинская правда-»ն։ 

Ռուս  Իգոր Գիրկինին (Ստրելկով) ուկրաինական գերություն տեղափոխելու համար հետախույզները երաշխավորում են 100.000 դոլարի վճարում։ Այս մասին Telegram-ում հայտնում է Հետախուզության գլխավոր վարչության մամուլի ծառայությունը։

Հետախուզությունը հայտնել է, որ Գիրկինը  որոշել է վերսկսել իր մասնակցությունը Ուկրաինայի դեմ պատերազմին։

Նրանք նաև հիշեցրել են, որ Գիրկինը Նիդեռլանդների կողմից միջազգային հետախուզման մեջ է հայտնվել MH17 չվերթի քաղաքացիական Boeing 777 ինքնաթիռի կործանման գործով։