Այդ մասին մենք նույնիսկ երազել չէինք կարող․ Զախարովա
Ֆրանսիական բոլոր հեռուստաալիքներն ուղիղ եթերում հեռարձակել են ՌԴ նախագահ Վլադիմիր Պուտինի ելույթը, հայտնել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է Ռիա Նովոստին։
«Ռուսաստանի տեղեկատվական շրջափակման մասին։ Ֆրանսիայում այժմ ուղիղ հեռարձակվում է ՌԴ նախագահի ելույթը։ Բոլոր ֆրանսիական ալիքները իրենք են թարգմանում։ Այդ մասին մենք նույնիսկ երազել չէինք կարող», - գրել է նա իր Telegram ալիքում։
Զախարովան հավելել է, որ Ռուսաստանում իրենք պարզապես ցանկանում են, որ RT-France-ի թղթակիցներին թույլ տան Ելիսեյան պալատ։
«Բայց, ինչպես ասում են, ձեզ չեն ստիպի բարի լինել»,- ամփոփել է ՌԴ ԱԳՆ ներկայացուցիչը։
Մարտին ֆրանսիական մեդիա կարգավորող Arcom ընկերությունը Եվրամիության որոշումից հետո հայտարարեց երկրում RT France հեռուստաալիքի հեռարձակման անհապաղ դադարեցման մասին։ ԵՄ-ն արգելել է Russia Today-ի և Sputnik-ի ազդանշանների և բովանդակության տարածումը Ուկրաինայի ապառազմականացման ռուսական օպերացիայի ֆոնին։
Ավելի վաղ Անվտանգության խորհրդի նիստում Պուտինը հայտարարել էր, որ Մոսկվան կոշտ պատասխան կտա Ռուսաստանի տարածքում ուկրաինական իշխանությունների կողմից կազմակերպված ահաբեկչություններին և նշել, որ Կիևն իրեն դասել է ամենաօդիոզ ահաբեկչական խմբավորումների հետ։
