G7 երկրները հրաժարվել են ռուսական գազի դիմաց վճարել ռուբլով
Ֆրանսիան չի ընդունի գազի մատակարարումների համար ռուբլով վճարելու Ռուսաստանի պահանջը, հայտարարել է Ֆրանսիայի էկոնոմիկայի և ֆինանսների նախարար Բրունո Լը Մերը, փոխանցում է Ռիա Նովոստին։
«Ուզում եմ հիշեցնել G7-ի հայտարարությունը, մենք չենք ընդունի գազի դիմաց այլ արժույթով վճարելու պահանջը: Դա նախատեսված չէ պայմանագրերով: Պայմանագրերը պայմանավորվածություններ են, և դրանք պետք է խստորեն պահպանվեն»,- ասել է նախարարը Բեռլինում մամուլի ասուլիսի ժամանակ։
