Ուկրաինայում 902 քաղաքացիական անձ է զոհվել. ՄԱԿ
Փետրվարի 24-ի ժամը 4:00-ից մարտի 19-ի ժամը 24:00-ի դրությամբ Ուկրաինայում գրանցվել է 2361 քաղաքացիական տուժած՝ 902 սպանված և 1459 վիրավոր։ Այս մասին հայտնում է ՄԱԿ-ի Մարդու իրավունքների գերագույն հանձնակատարի գրասենյակը։
«Ընդհանուր առմամբ զոհվել է 902 մարդ (179 տղամարդ, 134 կին, 11 աղջիկ և 25 տղա, ինչպես նաև 39 երեխա և 514 մեծահասակ, որոնց սեռը դեռևս հայտնի չէ)»,- ասվում է զեկույցում։
Ըստ զեկույցի՝ Դոնեցկի և Լուգանսկի մարզերում կա 992 տուժած, (248 զոհ և 744 վիրավոր), որոնցից 756-ը (195 զոհ և 561 վիրավոր) բաժին է ընկնում Կառավարության կողմից վերահսկվող տարածքին, իսկ 236-ը (53 սպանված և 183 վիրավոր)՝ Լուգանսկի և Դոնցկի ժողովրդական հանրապետությունների կողմից վերահսկվող տարածքին:
