Առաջիկա օրերի եղանակային կանխատեսումները

Այսօր Հայաստանի շրջանների զգալի մասում ժամանակ առ ժամանակ տեղումներ կգրանցվեն, լեռնային և նախալեռնային գոտում՝ ձյուն, առանձին հատվածներում` ինտենսիվ: Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Ըստ հաղորդագրության` լեռնային առանձին շրջաններում սպասվում է բուք, ցածր հորիզոնական տեսանելիություն։

«Օդի ջերմաստիճանը 20-ի ցերեկը կնվազի 5-6, 21-22-ի ցերեկը կբարձրանա 2-4 աստիճանով: Մարտի 21-ի և 23-ի ցերեկը սպասվում է առանց տեղումների եղանակ»,– նշված է հաղորդագրության մեջ:

Այսօր ձյուն և ձնախառն անձրև կտեղա նաև Երևանում։ Ցերեկային ժամերին օդի ջերմաստիճանը կտատանվի 0–ից +2 աստիճանի սահմանում, գիշերը կնվազի մինչև -2։