Էրդողանի կորոնավիրուսի թեստի պատասխանը բացասական է եղել
Թուրքիայի նախագահ Ռեջեփ Թայիփ Էրդողանի կորոնավիրուսի թեստի պատասխանը բացասական է եղել: Այս մասին հայտնում է Anadolu-ն՝ վկայակոչելով նրա բժշկին:
Նա նշել է, որ Էրդողանը կորոնավիրուսով վարակվելուց հետո շաբաթ օրվանից գտնվում է մեկուսացման մեջ:
Էրդողանը շաբաթ օրն ասել էր, որ կորոնավիրուսի «օմիկրոն» տարբերակի համար հանձնված թեստը դրական է եղել։
«Վերջին երկու օրվա ընթացքում մեր կողմից արված ՊՇՌ թեստերի պատասխանները բացասական են»,- ասել է Էրդողանի բժիշկ Սերքան Թոփալօղլուն:
«Կարծում եմ՝ նախագահը շատ շուտով, նույնիսկ վաղը, կվերադառնա իր սովորական ռեժիմին»,- հավելել է նա։
