Աշխարհում քովիդ վարակակիրների թիվը գերազանցել է 394 միլիոնը, մահացել է ավելի քան 5 միլիոն մարդ

Աշխարհում կորոնավիրուսով վարակման հաստատված դեպքերի թիվը գերազանցել է 394 միլիոնը, իսկ մահերինը՝ 5,73 միլիոն, երկուշաբթի այս մասին հայտարարել է Առողջապահության համաշխարհային կազմակերպությունը (ԱՀԿ):

Ինչպես փոխանցում է ТАСС-ը՝ վարակվածների թիվը 1 օրում ավելացել է 2 235 694-ով, մահերինը՝ 10 826-ով։ 
 

Հաղորդվում է, որ ԱՀԿ վիճակագրությունը կազմելիս հաշվի է առնում միայն վարակվածների և մահացածների մասին պետությունների կողմից տրամադրված, պաշտոնապես հաստատված տեղեկությունները։ 

Հունվարի 25-ին գրանցվել է վարակվածների 350 միլիոն, հունվարի 8-ին՝ 300 միլիոն, նոյեմբերի 9-ին՝ 250 միլիոն, օգոստոսի 5-ին՝ 200 միլիոն։