Ադրբեջանում թուրքական ԱԹՍ-ներ կարտադրվեն
Թուրքիայի նախագահ Ռեջեփ Թայիփ Էրդողանի փեսա Սելջուկ Բայրաքթարը, որը նաև ԱԹՍ-ներ արտադրող «Baykar» ձեռնարկության տեխնիկական տնօրենն է, հայտարարել է, որ ընկերությունը նախատեսում է ԱԹՍ–ների արտադրություն հիմնել Ադրբեջանում։
Ինչպես հայտնում է РИА Новости-ն՝ ադրբեջանական ԱԹՍ–ները կթողարկվեն ոչ թե «Բայրաքթար», այլ «Աքինջի» անվանումով։
«Ադրբեջանի համապատասխան կառույցները հետաքրքրված են «Աքինջի» ԱԹՍ-ով: Մենք նախաձեռնելու ենք ինչպես դրա մշակումը, այնպես էլ արտադրությունը Ադրբեջանում»,- ասել է նա՝ ադրբեջանական պետական AzTV հեռուստաալիքին տված հարցազրույցում։
Բայրաքթարը նշել է, որ այդ աշխատանքում կներգրավվեն ոլորտի հետ կապված ադրբեջանցի մասնագետները։
