Մարզպետն անդրադարձել է Փարաքարում ստեղծված իրավիճակին
Արմավիրի մարզպետ Էդվարդ Հովհաննիսյանը անընդունելի է համարում Փարաքարում ստեղծված իրավիճակը։
Արմավիրի մարզպետարանից հայտնում են, որ Էդվարդ Հովհաննիսյանը, անընդունելի համարելով միավորված Փարաքար համայնքում դեկտեմբերի 5-ին տեղի ունեցած ՏԻՄ ընտրությունների արդյունքում ստեղծված իրավիճակը, կողմերին կոչ է անում հանդարտություն պահպանել։
«Քաղաքական ուժերի հարգելի ներկայացուցիչներ, Արմավիրի մարզի սիրելի բնակիչներ, հանդարտության, ողջախոհության և փոխադարձ հարգանքի կոչ եմ անում բոլորիդ՝ խուսափելու համար ավելորդ կրքերի բորբոքումից, ոչ իրավաչափ արարքներից և անցանկալի հետևանքներից:
Խնդրում եմ սպասել իրավական գործընթացների ավարտին», - նշված է մարզպետարանի տարածած հայտարարությունում։
