ՀՔԾ-ն ջոկատով մասնակցել է պատերազմին, տվել ենք վիրավորներ. Սասուն Խաչատրյան
44-օրյա պատերազմին մասնակցել ենք, եղել՝ մարտական դիրքերում։ Այս մասին Հակակոռուպցիոն կոմիտեի նախագահի թեկնածուների հարցազրույցի ժամանակ ասաց ՀՔԾ պետ Սասուն Խաչատրյանը։
Հանձնաժողովի անդամ Դանիել Իոաննիսյանի հարցին, թե պատերազմի օրերին որտեղ է մասնակցել մարտական գործողություններին, ինչ ջոկատի կազմում՝ Սասուն Խաչատրյանը, չմանրամասնելով ծառայության վայրը, տեղեկացրեց, որ ջոկատը կազմված է եղել ՀՔԾ քննիչներից, ՔԿ քննիչների հետ եղել են նույն դիրքերում, ունեցել վիրավորներ։
ՀՔԾ պետը տեղեկացրեց, որ մինչ դիրքեր մեկնելը Նուբարաշենում գտնվող հրաձգարանում պարապմունքներ են անցկացրել՝ և՛ առաջին բուժօգնության, և՛ մարտական պատրաստության։
