Ի՞նչու թոշակի և նպաստի գումարներն ամբողջապես չեն փոխանցվել. Զարուհի Մանուչարյանը մանրամասնում է. Hraparak.
Այսօր «Հայփոստը» հայտարարություն էր տարածել, որով տեղեկացնում էր, որ սեպտեմբերի 9-ից ժամը 16:00-ից սկսած` ժամանակավորապես չի վճարում կանխիկ եղանակով կենսաթոշակի և մինչև 2 տարեկան երեխայի խնամքի նպաստի վճարումները, քանի որ չի ստացել բավարար չափով դրամական միջոցներ ՀՀ աշխատանքի և սոցիալական հարցերի նախարարության միասնական սոցիալական ծառայության կողմից:
«Ֆինանսավորումը ստանալուն պես վճարումներն անմիջապես կվերսկսվեն:
Հայցում ենք ձեր ներողամտությունը»,-ասված է հաղորդագրության մեջ:
Hraparak.am-ն այս հարցով դիմել է Աշխատանքի և սոցիալական հարցերի նախարարություն` հասկանալու, թե ինչու չի իրականացվել ֆինանսավորումը:
Նախարարության մամուլի հարցերով պատասխանատու Զարուհի Մանուչարյանը մեզ ուղարկեց հետևյալ բացատրությունը.
«Պետական կենսաթոշակների և մինչև երկու տարեկան երեխայի խնամքի նպաստի վճարում կատարելու նպատակով Հայփոստն ու բանկերը սեպտեմբեր ամսին ֆինանսավորվել են վճարման ենթակա գումարի ավելի քան 97%-ով: Վճարման գործընթացը կամբողջացվի առաջիկա օրերի ընթացքում»:
