Նախիջևանը մեր «զալոժնիկն է», Սյունիքը՝ Ադրբեջանի․ մենք ատրճանակ չպահեցինք «զալոժնիկի» վրա՝ թշնամու զորքին կանգնեցնելու համար․ Վարդանով

Նախիջևանը մեր «զալոժնիկն է», - «Փաստինֆո»-ի եթերում նման տեսակետ է հայտնել «Ողջ մնալու արվեստ» ռազմահայրենասիրական ՀԿ նախագահ Վովա Վարդանովը՝ նշելով, որ հայկական կողմը, Նախիջևանի շրջանում ճնշումներ գործադրելով Ադրբեջանի վրա, պետք է փորձի սաստել Ադրբեջանի նկրտումները և կանխի Ադրբեջանի հրահրած սահմանային միջադեպերը։

«Ճիշտ է, Սյունիքն էլ այսօր փոխադարձաբար «զալոժնիկի» կարգավիճակում է հայտնվել Ադրբեջանի ձեռքում: Բայց Նախիջևանն էլ է մեզ մոտ «զալոժնիկ», Քարվաճառում և Բերձորում հայտնված թուրքական ստորաբաժանումներն էլ, եւ եթե մենք համապատասխան ռեսուրսներ ծախսենք բնակչության միլիտարիզացիայի, բանակի պատրաստման վրա, կկարողանանք հասնել այն վիճակին, որ ունակ լինենք խնդիր լուծել և՛ Նախիջանի ճակատում, և ՛ Բերձորի, և՛ Քարվաճառի»,- նշել է Վարդանովն ու արձանագրել.

«Մենք ցանկություն չունեցանք այդ «զալոժնիկի» վրա ատրճանակ պահել և ասել՝ հենց հիմա կանգնեցրու զորքերդ, թե չէ՝ կկրակեմ»:

Նրա դիտարկմամբ՝ հայկական կողմը Ադրբեջանի վրա ճնշում գործադրելու նպատակ չունի, մշտապես հանդես է գալիս խաղաղասիրական դիրքերից.,

«Մենք պացիֆիստ ենք , բայց այդ պացիֆիզմն էլ պետք է ատամներով լինի, հատկապես այս միջավայրում: Երբ դու 99%-ով շրջապատված ես կա՛մ թուրք բնակչությամբ, կա՛մ թուրքական պետությունով, ապա միակ ձևն է՝ լինել ոզնու պես փշոտ»,-ասաց Վարդանովը: