Մեծ Բրիտանիայի չղջիկների մոտ հայտնաբերվել է կորոնավիրուս
Մինչ այդ անհայտ սարբեկովիրուս կամ RhGB01 է հայտնաբերվել Մեծ Բրիտանիայի Սոմերսեփ, Մոնմուտշիր եւ Ուելս շրջաններում ապրող չղջիկների մոտ։ Այս մասին հայտնում է Scientific Reports-ը։ Արեւելյան Անգլիայի համալսարանի գիտնականները, ըստ հաղորդման հավաքել են տասնյակ չղջիկների կղանքները, ապա իրականացրել գենոմային հետազոտություն եւ 53 փորձանմուշից մեկի մեջ հայտնաբերվել են այդ վիրուսը, որը դասվում է կորոնավիրուսների շարքին։
RhGB01-ը պարւոնակում է SARS-CoV եւ SARS-CoV-2-ի կոդային տասը գեն եւ ORF8-ի տասնմեկ կոդային գեն, ներառյալ՝ սպիտակուց։ Այն դասվում է նույն ենթախմբի մեջ, ինչ ենթախմբում, որ գտնվում է կորոնավիրուսն ու նոր տիպի կորոնավիրուսը։ Ենթադրելի է, որ այն մարդկանց փոխանցելի է եւ չղջիկները կարող են եւ նոր տիպի կորոնավիրուսով վարակվել եւ այս նոր հայտնաբերված վիրուսով։ Հետազոտությունները կորոնավիրուսի այս ենթատեսակի հետ կապված, շարունակվում են։
