Կորոնավիրուսը հաղթահարած մարդը կարող է առողջանալուց անմիջապես հետո նույնիսկ վարակվել կորոնավիրուսի նոր շտամմով
Բժիշկ-ինֆեկցիոնիստ Սվետլանա Իշչենկոն հայտարարել է, որ մարդը, ով արդեն հիվանդացել է կորոնավիրուսով և առողջացել, կարող է առողջանալուց անմիջապես հետո նույնիսկ վարակվել կորոնավիրուսի նոր շտամմով։ Այս մասին հայտնում է ՏԱՍՍ լրատվական գործակալությունը։
«Ինֆեկցիայի հաղթահարումից հետո, սովորաբար պաշտպանական G իմունագլոբուլինը կամ հակամարմինները պահպանվում են վեց ամիս։ Սակայն կորոնավիրուսը մշտապես մուտացվում է։ Ստացվում է, որ մարդը պաշտպանված է մեկ շտամմից, սակայն կարող է վարակվել մեկ այլ շտամմով, առողջանալուց անմիջապես հետո նույնիսկ»,- ասել է նա։ Ընդ որում, կրկնակի վարակումը, ամենայն հավանականությամբ ընթանալու է ավելի թեթեւ ձեւով։
