Բելառուսը պահանջում է արագացնել իր թեկնածուի՝ Ստանիսլավ Զասի նշանակումը
Բելառուսը պահանջում է արագացնել իր թեկնածուի՝ Ստանիսլավ Զասի նշանակումը Հավաքական անվտանգության պայմանագրի կազմակերպության (ՀԱՊԿ) գլխավոր քարտուղարի պաշտոնում:
«ՀԱՊԿ-ը արդեն տևական ժամանակ աշխատում է առանց գլխավոր քարտուղարի: Այս իրավիճակը նպաստավոր չէ կազմակերպության համար և պետք է հնարավորինս արագ կարգավորվի», - հայտարարել է Բելառուսի արտգործնախարարության խոսնակը: Վերջինս միաժամանակ հիշեցրել է, որ Աստանայում և Սանկտ Պետերբուրգում կայացած հանդիպումների ժամանակ ՀԱՊԿ անդամները պաշտպանել են Բելառուսի թեկնածուի նշանակումը: Այս մասին փոխանցում է «Sputnik Բելառուսը»:
Արտգործնախարարության ներկայացուցիչը հիշեցրել է, որ Աստանայում և Սանկտ Պետերբուրգում կայացած հանդիպումների ժամանակ պետությունների ղեկավարները աջակցել են Զասի թեկնածությանը:
Միևնույն ժամանակ, բելառուսական կողմն ակնկալում է, որ մոտ ապագայում Երևանը կհրապարակի հանդիպման ժամկետը:
ԱԳՆ-ից ենթադրում են, որ բոլոր երկրները շահագրգռված են այդ հարցի լուծմամբ, և «տեխնիկական պահը» չի ազդի ՀԱՊԿ-ի, նաև մասնակից երկրների երկկողմ հարաբերությունների վրա:
