ՌԴ-ի և Ուկրաինայի բանակցություններում դրական տեղաշարժ չեմ նկատել. ԱՄՆ պետքարտուղար
ԱՄՆ Պետքարտուղար Էնթոնի Բլինկենը ՌԴ-ի և Ուկրաինայի միջև բանակցություններում առաջընթաց չի տեսնում։ Այս մասին նա հայտնել է Մարոկկոյի արտգործնախարարի հետ համատեղ մամուլի ասուլիսի ընթացքում։
«Ուկրաինացի գործընկերներն իրենք պետք է որոշեն՝ կա՞ որևէ փոփոխություն կամ առաջընթաց։ Այն դեպքում, երբ Ուկրաինան կգա եզրահանգման, որ դրական տեղաշարժ կա, ուրեմն դա լավ է»,-ասել է Բլինկենը:
ԱՄՆ Պետդեպի ղեկավարը նաև հայտարարել է, որ անհրաժեշտության դեպքում Վաշինգտոնը պատրաստ է մասնակցել Մոսկվայի և Կիևի միջև Ուկրաինայի անվտանգության հարցերով պայմանավորվածությունների կատարմանը։
