ՌԴ-ին թույլ չի տրվի ռուբլով վառելիքի դիմաց վճարումներ պահանջել. Եվրահանձնաժողովի նախագահ
Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ ռուսական նավթագազային ընկերություններին թույլ չի տրվի ռուբլով վառելիքի դիմաց վճարումներ պահանջել, քանի որ դա կլինի պատժամիջոցների ռեժիմի փաստացի խախտում:
«Նման որոշումը կլինի միակողմանի, ինչը գործարքի պայմանների խախտում է։ Սա իրականում պատժամիջոցները շրջանցելու փորձ է։ Մենք պատժամիջոցներ չենք մտցրել դրանք շրջանցելու համար»,- ասել է նա:
Ավելի վաղ Լատվիան հայտարարել էր, որ Ռուսաստանից գազ չի գնի ռուբլով, քանի որ պայմանագրով «չի նախատեսվում վճարել այլ արժույթով, բացի եվրոյից»։
Սլովենիայի վարչապետ Յանեշ Յանսան էլ ավելի հակիրճ է գտնվել. «Եվրոպայում ոչ ոք գազի համար ռուբլով չի վճարի»,- ասել է նա։
