Պետք է դպրոցներում աղոթել հանուն Ռուսաստանի, ինչպես ԱՄՆ-ում է. Մեդինսկի
Ռուսաստանի նախագահ Վլադիմիր Պուտինի խորհրդական Վլադիմիր Մեդինսկին, որը նաև Ուկրաինայի հետ բանակցություններում ռուս բանագնացների թիմի ղեկավարն է, առաջարկել է երկրի բոլոր դպրոցներում առավոտյան աղոթել Ռուսաստանի համար, ինչպես ԱՄՆ-ում է:
«Միացյալ Նահանգներում բոլոր պետական և մասնավոր դպրոցներում 150 տարի շարունակ ուսումնական օրը սկսվում է Ամերիկայի, դրա սիմվոլների և դրոշի համար կարճ աղոթքով: Պետք է փոխանակել երկրի, դրա պետական սիմվոլների և դրոշի համար աղոթելու ավանդույթը»,- հայտարարել է Մեդինսկին:
Նա ասել է, որ հենց այսօրվանից է պետք դպրոցներում սկսել աղոթել և դա օրենքով ամրագրելու համար քայլեր ձեռնարկել։
Ռուսաստանի կրթության նախարարությունը հայտարարել է, որ պատրաստ է քննարկել առաջարկը:
