Anonymous-ը կոտրել է Nestle-ի տվյալների բազան. վերջինս հրաժարվել էր լքել Ռուսաստանը
Anonymous միջազգային հաքերային խումբը հրապարակել է աշխարհի խոշորագույն պարենային ընկերության՝ Nestle-ի տվյալների բազան:
Նշենք, որ ընկերությունը հրաժարվել էր լքել ռուսական շուկան։
Հաղորդվում է, որ արտահոսած տվյալների բազան պարունակում է 10 ԳԲ ինֆորմացիա:
Մարտի 11-ին Nestle-ը հայտարարեց, որ դադարեցնում է իր ապրանքատեսականու մեծ մասի մատակարարումները Ռուսաստան, բայց կշարունակի աշխատել Ռուսաստանում:
Մարտի 21-ին Anonymous հաքերները 48 ժամ ժամանակ են տվել արևմտյան ընկերություններին ռուսական շուկան լքելու համար:
