ԼՈՒՍԱՆԿԱՐՆԵՐ. Մարգարիտա Սիմոնյանն ու Տիգրան Քեոսայանը Սոչիում 1000 քմ տարածքով վիլլա կկառուցեն
RT հեռուստաալիքի և «Россия Сегодня» լրատվական գործակալության գլխավոր խմբագիր Մարգարիտա Սիմոնյանը և նրա ամուսինը՝ НТВ հեռուստաալիքում շոուի հաղորդավար և ռեժիսոր Տիգրան Քեոսայանը, Սոչիում ավելի քան1000 քմ տարածքով վիլլա են կառուցում:
Ընդհանուր կանոնների համաձայն՝ Քեոսայանի անվամբ գրանցված հողամասի մակերեսը թույլ է տալիս դրա վրա ոչ ավելի քան 300 քմ մակերեսով տուն կառուցել, սակայն այս շինության համար բացառություն է արվել, հայտնում է Ալեքսեյ Նավալնիի համախոհ Գեորգի Ալբուրովը։
Հունվարին Սոչիի քաղաքապետարանի կայքում ծանուցում էր հրապարակվել որոշման նախագծի վերաբերյալ «հանրային քննարկում» սկսելու մասին։
Կից փաստաթղթերը պարունակում են եռահարկ վիլլայի հատակագծերը և ծրագրերը: Վիլլան ներառում է 10 հանդերձարան, 100քմ ճաշասենյակ, անձնակազմի համար նախատեսված սենյակ, տան վերելակ և լճակ:
