Հերթական հանրահավաքը՝ Թբիլիսիում. պահանջում են ազատ արձակել Սաակաշվիլիին
Այսօր Թբիլիսիի կենտրոնում հերթական բողոքի ակցիան է սկսվել ի պաշտպանություն բանտարկված նախկին նախագահ Միխեիլ Սաակաշվիլիի:
Ինչպես հայտնում է РИА Новости-ն՝ հանրահավաքն անցկացվում է Սաակաշվիլիի ծննդյան օրը։ Աջակիցները ցուցապաստառներ են պահել, Վրաստանի հազարավոր քաղաքացիներ իշխանություններին կոչ են անում ազատ արձակել քաղաքական գործչին։
Ակցիայի գլխավոր կազմակերպիչը «Միացյալ ազգային շարժում» ընդդիմադիր կուսակցությունն է։
Հիշեցնենք, որ Սաակաշվիլին ձերբակալվել է Վրաստանում հոկտեմբերի 1-ին:
