Ֆրանսիայում աճուրդի ժամանակ վաճառվել է աշխարհի առաջին SMS հաղորդագրությունը

Ֆրանսիայում կայացած աճուրդի ժամանակ վաճառվել է պատմության մեջ առաջին SMS հաղորդագրությունը։

"Շնորհավոր Սուրբ Ծնունդ" տեքստով հաղորդագրությունը1992 թվականի դեկտեմբերի 3-ին Vodafone-ի աշխատակից Նիլ Պապուորթսը ուղարկել է իր գործընկեր Ռիչարդ Ջարվիսին։

Հաղորդվում է, որ աճուրդն անցկացվել է Aguttes աճուրդի տանը։ Գնորդը, որը ցանկացել է անանուն մնալ, ստացել է NFT նշանային հաղորդագրության թվային պատճենը:

107 հազար եվրոյի հասույթը կուղարկվի ՄԱԿ-ի փախստականների հարցերով գերագույն հանձնակատարի գրասենյակ։