Օմիկրոն շտամն առաջացրել է կորոնավիրուսի 5-րդ ալիք. Իսրայելի վարչապետ

Իսրայելի վարչապետ Նաֆթալի Բենեթը հայտարարել է, որ օմիկրոնի շտամը առաջացրել է կորոնավիրուսի հինգերորդ ալիք: Այս մասին գրում է Эхо Москвы-ն:

Նա իսրայելցի ծնողներին հորդորել է պատվաստել իրենց երեխաներին՝ վտանգավոր վարակի տարածումը դանդաղեցնելու համար։ Հոկտեմբերից երկրում թույլատրվել է պատվաստել 5 տարեկանից բարձր երեխաներին։ 

Վաղվանից իշխանություններն ընդլայնում են այն երկրների ցանկը, որտեղ իսրայելցիներին արգելված է այցելել՝ պայմանավորված կորոնավիրուսի տարածման բարձր ռիսկով։ Ցուցակում ընդգրկված են ԱՄՆ-ը, Թուրքիան և մի շարք եվրոպական երկրներ։