Հերթական հակառեկորդը. թուրքական լիրան 1 դոլարի դիմաց հասել է 15.7 լիրայի

Թուրքական լիրան հերթական հակառեկորդն է սահմանել՝ մեկ դոլարի դիմաց հասնելով 15,7 լիրայի: Այս մասին հայտնում է «Փրայմը»:

Նշվում է, որ հերթական անկումը գրանցվել է Կենտրոնական բանկի՝ տոկոսադրույքը նվազեցնելու որոշումից հետո:

Ավելի վաղ հինգշաբթի Թուրքիայի Կենտրոնական բանկը որոշում էր կայացրել 15 տոկոսից նվազեցնել հաշվապահական տոկոսադրույքը մինչև 14 տոկոս: Երևանի ժամանակով 19:00-ի դրությամբ թուրքական արժույթը մեկ դոլարի դիմաց էժանացել է մինչև 15,7 լիրա՝ մեկ դոլարի դիմաց 14,79 լիրայի նախորդ փակման մակարդակից: