Եվրոպայում գազի գինը վերջին երկու ամսում առաջին անգամ գերազանցել է 1700 դոլարը

Եվրոպական շուկայում գազի գինն այսօր վերջին երկու ամսում առաջին անգամ գերազանցել է հազար խորանարդ մետրի համար 1700 դոլարը։ РИА Новости-ի հաղորդմամբ՝ այս մասին են վկայում Լոնդոնի ICE բորսայի տվյալները:

Անցած շաբաթվանից Եվրոպայում գազը թանկացել է մեկ երրորդով՝ 1200-ից հասնելով 1600 դոլարի։

Ենթադրվում է, որ դեկտեմբերի 16-ին հաստատված գների աճը կարող է կապված լինել Գերմանիայի Դաշնային ցանցային գործակալության (BNA) ղեկավար Յոհեն Հոմանի հայտարարության հետ։ Նա ասել է, որ «Հյուսիսային հոսք 2»-ի վերաբերյալ որոշում հավանաբար չի ընդունվի 2022 թվականի առաջին կեսին։