Մամիկոն Ասլանյանին ձերբակալելը ընտրության գործընթացը վիժեցնելու նպատակով է. հայտարարություն
«Մամիկոն Ասլանյան» դաշինքը հայտարարություն է տարածել, որում նշել է, որ վստահեցնում է, որ Ասլանյանին ձերբակալելը ընտրության գործընթացը վիժեցնելու նպատակով է։
«Հարգելի՛ հայրենակիցներ,
Հայտնում ենք, որ բացառապես համայնքի ղեկավարի ընտրության գործընթացը վիժեցնելու նպատակով ձերբակալվել է Մամիկոն Ասլանյանը:
Նա հայտնել է, որ իր կամքն անկոտրում է, գործն՝ արդար:
Պինդ մնացեք, սիրելի՛ վանաձորցիներ»,- նշվում է տարածված հայտարարությունում:
Ինչպես արդեն տեղեկացրել էինք, Մամիկոն Ասլանյանը մեղադրվում է պաշտոնեական լիազորություններն անցնելու, դրանք չարաշահելու և պաշտոնեական կեղծիք կատարելու մեջ։
