Լոս Անջելեսում վերջին հրաժեշտն են տվել անվանի դուդուկահար Ջիվան Գասպարյանին

Լոս Անջելեսում վերջին հրաժեշտն են տվել անվանի դուդուկահար Ջիվան Գասպարյանին: 

Ջիվան Գասպարյան կրտսերը հուզված նշել է. «Ամենամեծ գործն այն է, որ ես իր գործը շարունակեմ: Նա արդեն իր օրհնությունը տվել էր, որ ինձ մոտ ստացվում է: Սիրով եմ դա անում»: 


Նա տեղեկացրել է, որ հուղարկավորությունը կլինի Հայաստանում հուլիսի 24-ին, Ջիվան Գասպարյանը կթաղվի Կոմիտասի անվան պանթեոնում: 

Նշենք, որ հուլիսի 6-ին հայտնի դարձավ, որ մահացել է մեծ երաժիշտը։

Մեծանուն դուդուկահար Ջիվան Գասպարյանի հրաժեշտի արարողությունը տեղի կունենա «Արամ Խաչատրյան» համերգասրահում (Մեսրոպ Մաշտոցի պողոտա 46) հուլիսի 24-ին` ժամը 11:00-14:00: Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը։ 

«Նրա աճյունը կամփոփվի Կոմիտասի անվան պանթեոնում»,– նշված է հաղորդագրության մեջ: