Հայտնի է, թե ով է` անցած գիշեր տեղի ունեցած, ողբերգական ավտովթարի զոհը
Ողբերգական վթարը տեղի էր ունեցել գիշերը ժամը 01:15-ին Եղվարդ-Նոր Գեղի ավտոճանապարհի 3-րդ կմ-ին։
Անցած գիշեր տեղի ունեցած ողբերգական ավտովթարի զոհը հայտնի սողունաբան Կարեն Մարտիրոսյանն է։
Նա Հայաստանում հայտնի է սողունների իր սեփական հավաքածուով` տեռարիումով, որը տարիներ առաջ ներկայացնում էր մայրաքաղաքի տարբեր մշակութային օջախներում։ Կարեն Մարիտրոսյանը նաև Երևանի Կենդանաբանական այգու ավագ սողունաբանն էր։
Ավելի վաղ հայտնել էինք, որ հուլիսի 20-ին, խոշոր ու ողբերգական ավտովթար է տեղի ունեցել Կոտայքի մարզում։ Ժամը 01։15-ի սահմաններում Երևանի բնակիչ 52-ամյա Կարեն Մարտիրոսյանը իր վարած Toyota Land Cruiser Prado մակնիշի ավտոմեքենայով Նոր Գեղի-Եղվարդ ավտոճանապարհի 3-րդ կմ հատվածում դուրս է եկել ճանապարհի երթևեկելի գոտուց դեպի աջ, բախվել խնձորի այգու բետոնե փշալարերին, հայտվել այգում, մոտ 100 մետր մի քանի պտույտ շրջվելով գլխիվայր հայտնվել դաշտում։
