Իրաքում կորոնավիրուսային հիվանդների համար նախատեսված հիվանդանոցում բռնկված հրդեհի հետևանքով զոհվել է 54 մարդ
Իրաքի Դի-Քար նահանգի Ալ-Նասիրիա քաղաքում գտնվող СOVID19-ով հիվանդների համար նախատեսված հիվանդանոցում բռնկված հրդեհի զոհերի թիվը հասել է 54-ի, երեքշաբթի երեկոյան հաղորդել է նահանգի առողջապահության վարչությունը:
Ավելի վաղ հաղորդվում էր 38 զոհի մասին:
Նախնական տեղեկությունով՝ հիվանդանոցում հրդեհը տեղի է ունեցել թթվածնի բալոնի պայթյունի պատճառով: Հրշեջներին հաջողվել է մեկուսացնել կրակը, սակայն կորոնավիրուսով հիվանդներից մի քանիսը շարունակում են արգելափակված մնալ հիվանդանոցում:
