Սարսափած եմ հայ ռազմագերիների մահապատիժը ցուցադրող տեսանյութից. Գերմանիայի Մարդու իրավունքների հանձնակատար
ԳԴՀ-ի Մարդու իրավունքների հանձնակատար Լուիզա Ամթսբերգը թվիթերյան իր էջում անդրադարձել է ադրբեջանական կողմից տարածված տեսանյութին, որում երևում է, թե ինչպես են ադրբեջանցի զինվորականները գնդակահարում հայ ռազմագերիներին:
Նա իր գրառմամբ կոչ է արել հետաքննել հայ ռազմագերիների մահապատիժը ցուցադրող տեսանյութը:
«Սարսափած եմ այն տեսանյութից, որը ըստ երևույթին, ցույց է տալիս հայ ռազմագերիների մահապատիժը։ Հայաստանի և Ադրբեջանի միջեւ հակամարտությունում ցանկացած ենթադրյալ ռազմական հանցագործություն պետք է հետաքննվի, մեղավորները պետք է պատասխանատվության ենթարկվեն»,- գրել է նա:
